Усаў: візіт Лукашэнкі ў Маскву — гэта далейшая ўтылізацыя беларускай дзяржаўнасці

Палітыка

Павышэнне ставак у вайне і напружанасці ў сусветнай палітыцы непазбежнае, лічыць палітолаг Павел Усаў. Расія будзе рабіць гэта за кошт Беларусі.

img_3739_logo_1.jpg

Чарговы візіт Лукашэнкі ў Маскву — гэта далейшая ўтылізацыя беларускай дзяржаўнасці.

Зараз працэс набярэ большай дынамікі, бо ёсць Фінляндыя, якая ўжо ў НАТА, і ёсць чаканне ўкраінскага контрнаступу.

Чым на гэта можа адказаць Масква.

  1.  Прыспешыць дастаўку ядзернай зброі і ўвесці ў Беларусь стратэгічнае ядзернае ўзбраенне;
  2.  Стварыць аб’яднаныя сілы СПА і ВПС у межах расійскіх ваенна-касмічных сіл пад іх непасрэдным кіраваннем;
  3.  Ініцыяваць працэс больш інтэграванай сістэмы кіравання Узброенымі сіламі і структурамі бяспекі;
  4.  Павялічыць колькасць расійскіх войскаў у Беларусі;
  5.  Узняць пытанне адкрыцця другога фронту;
  6.  Узмацніць палітычны ўзровень саюзнай «інтэграцыі» з перспектывай уключэння ў саюз новых «чальцоў».

Для Пуціна жыццёва важным з’яўляецца тое, каб вайна не скончылася ў гэтым годзе, але каб яна зацягнулася, у горшым выпадку была замарожана, таму павышэнне ставак, напружанасці — непазбежна.