З-за мяжы перастаў адкрывацца сайт спартыўнага выдання «Прэсбол» (абноўлена)

Ад учорашняга дня па-за межамі Беларусі знік доступ да спартыўнага сайта «Прэсбол». Пры спробе наведвання старонкі з'яўляецца паведамленне «403 Forbidden». Чым гэта выклікана, невядома. У Беларусі партал адкрываецца без праблем.

Нагадаем, у выніку падзей 2020 года з выдання сышло шмат журналістаў. Гэта было зроблена на знак пратэста супраць дзеянняў заснавальнікаў медыя, якія вырашылі «нармалізаваць» кантэнт і прызначылі новага, лаяльнага да ўладаў, галоўнага рэдактара.

UPD. Пазней сайт за мяжой пачаў адкрывацца.