Аланд нагадаў Усходняй Еўропе пра яе "савецкае мінулае"

Прэзідэнт Францыі Франсуа Аланд перад самітам Еўрасаюза адносна мігрантаў нагадаў лідэрам ўсходнееўрапейскіх краін-сябраў ЕС пра ​​іх савецае мінулае.



«Калі вы ідзяце ў Еўропу, вы ідзяце не толькі за перавагамі, вы таксама падзяляеце сваю частку (адказнасці). Гэтыя краіны, вы ведаеце, — гэта тыя, каго прыняла Еўропа, калі яны выйшлі з савецкай сістэмы. Некаторыя людзі не галасавалі, але спрацавала правіла большасці, так што нават тыя, хто галасаваў супраць, прынялі гэта», — сказаў Аланд.

Яго словы тычацца краін Усходняй Еўропы, якія адмаўляюцца прымаць бежанцаў.
 

Прэзідэнт нагадаў, што Францыя, Германія і іншыя еўрапейскія краіны ўзяліся інтэграваць гэтыя краіны, а зараз просяць іх не прымаць новыя краіны, а размясціць людзей, якія знаходзяцца ў небяспецы, перадае "Укрінформ".
Ён нагадаў, што ў Еўрасаюзе існуюць правілы: калі не выконваюць правілы канкурэнцыі ці пакты аб стабільнасці — будуць санкцыі.

«Такім чынам, гэтыя краіны ставяць сябе ў сітуацыю, калі тое, што яны атрымліваюць ад Еўрасаюза, перастане паступаць», — заўважыў прэзідэнт Францыі, дадаўшы, што нельга патрабаваць ад Еўропы падтрымкі і адмаўляць ёй у салідарнасці.

Паводле яго слоў, ЕС разлічвае на ўнёсак усходнееўрапейскіх краін, асабліва калі ідзе размова пра прытулак для людзей, якія апынуліся ў вельмі цяжкім становішчы. «Мы павінны выканаць наш абавязак як еўрапейцаў. Знайсці прытулак для 120 тыс. бежанцаў на кантыненце, дзе пражывае 450 млн, хіба гэта немагчыма?», — спытаў Оланд.

Нагадаем, што сёння ў другой палове дня пачынаецца саміт ЕС па пытаннях рашэння міграцыйнага крызісу ў Еўропе. Напярэдадні кіраўнікі МУС краін-сябраў Еўрасаюза прынялі большасцю галасоў рашэнне аб размеркаванні 120 тыс. бежанцаў па тэрыторыі Еўрасаюза.