Экс-кіраўніка МУС Латвіі арыштавалі па падазрэнні ў шпіянажы ў карысць Расеі

11 чэрвеня суд у Рызе арыштаваў былога міністра ўнутраных спраў, дэпутата апазыцыйнай партыі «Згода» Яніса Адамсонса па падазрэнні ў шпіянажы ў карысць Расеі.

Пра гэта паведаміла агенцтва LETA.
Акрамя яго, па гэтай справе арыштавалі яшчэ аднаго чалавека, абодва маюць статус падазраваных. Рашэнне суда можна абскардзіць на працягу сямі дзён.
Адамсанс і яго адвакат адмовіліся ад каментароў.
Дэпутата парламента пазбавілі недатыкальнасці 10 чэрвеня. Служба бяспекі Латвіі падазрае, што Адамсанс перадаваў інфармацыю ў РФ прыкладна 43 разы, паведамлялі латвійскія СМІ. Экс-кіраўнік МУС адмаўляе адпраўку якой-небудзь інфармацыі ў Расею.
LETA адзначае, што Адамсанс не меў доступу да дзяржтаямніцы, але меў права ўдзельнічаць у пасяджэннях камісіі Сейма па абароне, унутраных справах і прадухіленні карупцыі, на якіх службовыя асобы прадастаўляюць інфармацыю абмежаванага доступу.
Кантэкст:Адамсанс быў абраны ў Сейм па спісе "згоды" ў Відземскай акрузе. Са студзеня 2019 года ён узначальвае групу дэпутатаў па развіцці супрацоўніцтва з расійскім парламентам.
LTV паведамляў, што ў 2000 годзе Адамсанс быў часова выдалены з Сейма ў сувязі з яго мінулым — у савецкі час ён працаваў у берагавой ахове. Сцвярджалася, што гэта падпарадкаваная служба КДБ. Адамсансу ўдалося адмяніць гэтае рашэнне пасля яго разгляду ў еўрапейскіх судах.
Ён дагэтуль атрымлівае вайсковую пенсію з Расеі, піша LETA.
Паводле belaruspartisan.by