Казахстан. Свята домбры

У Казахстане ўпершыню адзначылі Дзень домбры (казахскі нацыянальны інструмент).

Свята заснаваў 13 чэрвеня асабіста Назарбаеў, які ўгледзеў у гэтым інструменце глыбокі філасофскі і нават палітычны падтэксты.

«Свята патрэбнае для далейшай кансалідацыі грамадства вакол ідэі захавання і адраджэння нацыянальнай культуры і ідэнтычнасці», — гаворыцца ва ўказе Назарбаева.

Больш за тое, домбра, паводле правадыра казахаў, нейкім чынам ўплывае на спецыфіку носа казаха. «Толькі казах, які нарадзіўся з пахам палыну ў носе, можа зразумець гучанне нацыянальнага музычнага інструмента домбры», — лічыць Назарбаеў.

Дарэчы, кіраўнік Казахстана — вялікі прыхільнік домбры. Ён не толькі грае на ёй, але і спявае пад уласны акампанемент традыцыйныя казахскія песні — кюі.

Першы вопыт святкавання Дня домбры не абышоўся без кур'ёзаў на глебе жадання чыноўнікаў адзначыцца перад Елбасы. Напрыклад, у адной з вёсак Усходняга Казахстана паставілі сяміметровы помнік домбры. Але далей за ўсіх пайшлі ў сталіцы і шэрагу абласных цэнтраў. У мясцовых радзільных дамах нованароджаным падарылі домбру.

Што тычыцца простых людзей, то яны ўспрынялі новае свята з іроніяй і чакаюць з’яўлення Дня кумысу.

Паводле казахскай прэсы