Краіны Захаду маюць права перадаць Украіне ядзерную зброю

Такая заява прагучала ад польскага палітыка.

Краіны Захаду маюць права перадаць Украіне ядзерную зброю, паколькі пасля нападу РФ былі канчаткова парушаны гарантыі Будапешцкага мемарандума. З такой думкай у эфіры тэлеканала Espreso выступіў дэпутат Еўрапарламента, польскі палітык Радаслаў Сікорскі.
«Як вядома, Украіна аддала свой ядзерны патэнцыял пасля таго, як у 1994 годзе быў падпісаны Будапешцкі мемарандум. Сёння расіяне і некаторыя гавораць, што гэта не былі гарантыі. Але ўсе тады разумелі, што Украіна ўзамен гэтага будзе незалежнай краінай у межах, усталяваных з часоў СССР.
Расія вызначана гэтую дамову парушыла і шматкроць. Украіна не мела аперацыйнага кантролю над арсеналам і не мела таксама магчымасці ўтрымліваць яго ў бяспечным стане. Але з-за таго, што Расія парушыла гэты Будапешцкі мемарандум, лічу, што мы як Захад мелі б права падарыць Украіне ядзерныя боегалоўкі — каб яна магла абараніць сваю незалежнасць», — сказаў ён.