МЗС Украіны: Беларусь не можа прымаць удзел у міратворчай місіі ААН на Данбасе

Беларусь не можа прымаць удзел у міратворчай місіі ААН на Данбасе, бо з'яўляецца членам Арганізацыі Дамовы аб калектыўнай бяспецы (АДКБ). Такую заяву зрабіла намеснік міністра замежных спраў Украіны па еўрапейскай інтэграцыі Алена Зеркаль ў эфіры «5 канала».

«Наколькі я ведаю, Беларусь не выйшла з АДКБ і з'яўляецца сябрам гэтай арганізацыі. А калі мы выключаем НАТО, то вельмі лагічна, каб мы не казалі, што краіны АДКБ таксама ўдзельнічаюць у місіі», — сказала Зеркаль (цытата па тэлеканале «112 Украіна»).
У сваёй заяве прадстаўнік украінскага знешнепалітычнага ведамства таксама заўважыла, што ў пытанні міратворчай місіі на Данбасе «гуляць па правілах Расіі ніхто не будзе».
«Яны [Расія] ўвесь час спрабуюць прасоўваць ідэю, што мы павінны весці ўсе дыялогі з ЛНР і ДНР. Зразумела, што ЛНР і ДНР не з'яўляюцца бокам канфлікту. Гэта зразумела не толькі нам, а ўсім нашым заходнім партнёрам. Таму і працягваюцца ўсё гэта час сустрэчы — Уолкера, Суркоў — розныя дыялогі, для таго, каб прымусіць Расію зразумець, што гуляць па іх правілах ніхто не будзе», — сказала яна.
Арганізацыя Дамовы аб калектыўнай бяспецы (АДКБ) — рэгіянальная міжнародная арганізацыя, у якую ўваходзяць Арменія, Беларусь, Расія, Казахстан, Кыргызстан і Таджыкістан.
Трэба сказаць, што і раней ва Украіне выступалі супраць удзелу Беларусі ў миротворчесской місіі ААН на Данбасе, ставячы пад сумнеў нейтральнасць краіны. Так дэпутат Вярхоўнай рады ад «Радыкальнай партыі» Ігар Мосійчук выказваў апасенне, што беларускія міратворцы могуць стаць «траянскім канём», пад выглядам якога «на Данбас зойдуць акупанты з Расійскай Федэрацыі».
У той жа час, паводле справаздачы аб размяшчэнні міратворцаў на Данбасе, распрацаваным былым генеральным сакратаром НАТА Андэрсам Фог Расмусэнам, у місію павінны ўваходзіць краіны, «якія карыстаюцца даверам Расіі, — такія як Беларусь».
На мінулым тыдні прэзідэнт Беларусі Аляксандр Лукашэнка ў чарговы раз заявіў пра гатоўнасць накіраваць міратворцаў на лінію размежавання на Данбасе, калі такая дамоўленасць будзе дасягнута расійскім і ўкраінскім бакамі.
Паводле belaruspartisan.by