Папа Рымскі блаславіў 20 тысяч закаханых
На цэнтральнай плошчы Ватыкана Папа Рымскі блаславіў 20 тысяч закаханых.
Папа Рымскі Францыск падчас спецыяльнай імшы ў гонар Дня святога Валянціна блаславіў, па дадзеных Ватыкана, 20 тысяч закаханых з 28 краін свету, якія сабраліся ў пятніцу на плошчы перад саборам
святога Пятра.
Першапачаткова ўсеагульная аўдыенцыя, прысвечаная святу, павінна была, як звычайна, адбыцца ў зале аўдыенцый імя Паўла VI. Аднак колькасць жадаючых атрымаць благаславенне ад папы апынулася такой
вялікай, што ўрачыстае мерапрыемства ў выніку перанеслі на цэнтральную плошчу Ватыкана. Пры гэтым адзначаецца, што пантыфік асабіста прывітаў ідэю прысутнасці на аўдыенцыі як мага большай колькасці
закаханых пар.
Свяшчэннамучанік Валянцін, які жыў у III стагоддзі, быў біскупам горада Інтэрамны (цяпер горад Тэрні, Італія), шануецца не толькі рымска-каталіцкай, але і рускай праваслаўнай царквой - дзень яго
памяці 12 жніўня. Паводле легенды, з імем Валянціна, які нібыта таемна вянчаў закаханыя пары, звязаная і традыцыя святкавання 14 лютага Дня ўсіх закаханых.
Дзень святога Валянціна, які адзначаецца ў каталіцкім і пратэстанцкім свеце, у 1990-х гадах набыў папулярнасць і ў Расеі. У той жа час аналагам гэтага дня ў РФ стаў Дзень сям'і, любові і
вернасці, прымеркаваны да дня памяці святых Пятра і Фяўроніі. Гэта свята адзначаецца 8 ліпеня, пачынаючы з 2008 года.