Савецкія помнікі акупантам у Латвіі знясуць — прыняты новы закон

Сейм Латвіі паставіў знак роўнасці паміж фашызмам і савецкім рэжымам

Сейм Латвіі ў першым чытанні прыняў законапраект аб правілах зносу савецкіх і нацысцкіх помнікаў.

Згодна з ім, мемарыяльны комплекс вызваліцелям савецкай Латвіі ў Рызе павінны дэмантаваць не пазней за 15 лістапада.

Законапраект забараняе экспанаванне аб'ектаў, якія праслаўляюць савецкі або нацысцкі рэжымы. Гэта значыць тыя, якія праслаўляюць акупацыйную ўладу СССР або нацысцкай Германіі, усе звязаныя з акупацыяй падзеі і асобаў, усё тое, што праслаўляе таталітарызм, гвалт, ваенную агрэсію, вайну і ваенную ідэалогію, уключае у сябе сімвалы савецкай улады або нацызму.

Палажэнні законапраекта не распаўсюджваюцца на памятныя знакі, мемарыяльныя пліты і іншыя вобразы, якія знаходзяцца ў месцах пахавання загінулых салдат, а таксама ў месцах памяці ахвяр савецкага або нацысцкага тэрору.