У Вільні сёння — вучэнні па змаганні з ядзернай пагрозай БелАЭС

Віленскі муніцыпалітэт запланаваў на чацвер правядзенне вучэнняў па змаганні з ядзернай пагрозай з боку БелАЭС.

Фота www.polymia.by

Фота www.polymia.by

Падчас вучэнняў у першы раз выпрабуюць мабільную праграму для рэгістрацыі жыхароў, якая дапаможа больш эфектыўна кіраваць працэсам часовага перасялення і рассялення жыхароў.

Падчас вучэнняў эксперты ацэняць працу аператыўнага цэнтра муніцыпалітэта, эфектыўнасць збору жыхароў, працу цэнтра дэзактывацыі, маршруты руху, падрыхтоўку будынка калектыўнай абароны, у якім часова паселяць віленцаў.

У вучэннях прымуць удзел каля 100 чалавек.

Урад Літвы сцвярджае, што БелАЭС была пабудаваная, не прытрымліваючыся правілаў бяспекі і аховы навакольнага асяроддзя. Мінск не згодны і адпрэчвае гэту крытыку.

Паводле www.delfi.lt