Намеснік старшыні «Белнафтахіма»: Насамрэч бензін не падаражэў

Намеснік старшыні канцэрна «Белнафтахім» Віталь Паўлаў заявіў, што 13 студзеня кошты на бензін не выраслі.



Ён растлумачыў, што беларускія нафтаперапрацоўчыя заводы перапрацоўваюць толькі расійскую нафтавую сыравіну, якая набываецца за валюту выключна па перадаплаце і па цане, вызначанай па спецыяльнай формуле.
«Пры увядзенні Расійскай Федэрацыяй з 1 студзеня 2015 года падатковага манеўру кошт расійскай нафты ў супастаўных умовах для Беларусі ўзрос. Гэты фактар таксама аказаў значны ўплыў на прыняцце пастановы аб змене цэнаў нафтапрадуктаў, паколькі ў новых умовах НПЗ аказаліся на мяжы рэнтабельнасці і не могуць у поўным аб'ёме весці мадэрнізацыю, каб і далей быць канкурэнтаздольнымі на рынку», — падкрэсліў Паўлаў.
У доларавым эквіваленце, з ягоных слоў, цэны на паліва знізіліся.
Разам з тым, пастанова Савета Міністраў №1207 ад 19 снежня 2014 года «Аб некаторых пытаннях спажывецкага рынку» выразна забараняе прадпрыемствам павышаць цэны тавараў і паслуг. Як жа гэта ўдалося «Белнафтахіму»?
Віталь Паўлаў заявіў: «Канцэрн «Белнафтахім» з'яўляецца дзяржаўнай арганізацыяй і дзейнічае строга ў рамках заканадаўства ў межах паўнамоцтваў, дадзеных яму ўрадам Беларусі. Пастанова аб змене з 13 студзеня гэтага года цэнаў на аўтамабільнае паліва прайшла адпаведную працэдуру ўзгаднення».
Паводле БелТА