Прафіцыт рэспубліканскага бюджэту за студзень-май склаў 0,4% ВУП
У Беларусі прафіцыт бюджэту сектару дзяржаўнага кіравання за студзень-травень 2013 года склаў 4,8 трлн рублёў, або 2,2% да ВУП. Прафіцыт рэспубліканскага бюджэту склаў 0,9 трлн рублёў, або 0,4% да ВУП. Пра гэта паведамілі ў міністэрстве фінансаў.
Даходы бюджэту сектару дзяржкіравання за студзень-травень 2013 года склаліся ў суме 105,1 трлн рублёў, ці 38,8% удакладненага гадавога плана.
Даходы рэспубліканскага бюджэту склалі 41,3 трлн рублёў, ці 33,9% удакладненага гадавога плана.
Па дадзеных Мінфіна, за студзень-травень 2013 года паступленне ПДВ склала 24,7 трлн рублёў, ці 36,7% удакладненага гадавога плана. Падатку на прыбытак паступіла 10,8 трлн рублёў, ці 37,9% працэнта
ўдакладненага гадавога плана. Акцызы паступілі ў суме 5,8 трлн рублёў (35,6%). Даходы ад знешнеэканамічнай дзейнасці склалі 10,1 трлн рублёў (33,7%). Паступленні ў Фонд сацыяльнай абароны
насельніцтва склалі 30 трлн рублёў, або 42,9% зацверджанага гадавога плана.
Па стане на 1 чэрвеня запазычанасць па падатках і зборах была 211,7 млрд рублёў і павялічылася за травень на 30,5 млрд.
Выдаткі бюджэту сектару дзяржкіравання за студзень-травень 2013 года склалі 100,3 трлн рублёў, ці 37,1% удакладненага гадавога плана.
Расходы рэспубліканскага бюджэту склалі 40,4 трлн рублёў (33% удакладненага гадавога плана).
Расходы на агульнадзяржаўную дзейнасць склалі 14,7 трлн рублёў (27,1%), на фінансаванне нацыянальнай эканомікі — 13,1 трлн (40,8%), на фінансаванне сацыяльнай сферы (сацыяльная палітыка, адукацыя, ахова здароўя, фізічная культура, спорт, культура і сродкі масавай інфармацыі, Фонд сацыяльнай абароны насельніцтва) накіравана 60,9 трлн рублёў (40,6%).