Расія дасць Беларусі адтэрміноўку па дзейных крэдытах да 2016 года

Расія дасць Беларусі адтэрміноўку плацяжоў па дзейных крэдытах да 2016 года. Пра гэта гаворыцца ў матэрыялах сустрэчы ўрадаў дзвюх краін 29 верасня ў Маскве, перадае агенцтва ТАСС. 



"Дасягнутыя дамоўленасці аб адтэрміноўцы плацяжоў па дзейных крэдытных лініях да 2016 года, пры гэтым трэба адзначыць, што Беларусь выконвае свае бягучыя фінансавыя абавязацельствы цалкам", — гаворыцца ў дакуменце. 
Як вынікае з матэрыялаў сустрэчы, размова ідзе пра крэдыты ў 110 млн. долараў і 760 млн. долараў, пагадненні аб выдзяленні якіх былі падпісаныя ў сакавіку і ліпені гэтага года.
Марына Носава, БелаПАН