Фотафакт: У Гродне адкрыўся музей турэмнага побыту

У гродзенскай турме 20 жніўня адкрыўся музей турэмнага побыту. 



Музей размяшчаецца ў аднапавярховым доме па вуліцы Кірава, 6, акурат насупраць турмы.

У экспазіцыі прадстаўлены асабістыя рэчы, здымкі, дакументы і ўзнагароды былых супрацоўнікаў турмы, а таксама артэфакты, прысвечаныя гісторыі пенітэнцыярнага ведамства.   

Сярод экспанатаў — ланцугі, кайданы і рагаткі пачатку XIX стагоддзя, клеймы, якія ставілі на шчаку асуджаных, таўро "Вор" і "Кат" —  імі клеймавалі катаржан, уцекачоў з месцаў пазбаўлення волі.

Руслан Кулевіч,  “Твой стыль”

Здымкі Руслана Кулевіча