Максім Знак намінаваны на Міжнародную прэмію імя Трар’е

Святлана Ціханоўская і штаб Віктара Бабарыкі намінавалі Максіма Знака на Міжнародную прэмію імя Трар’е ў галіне правоў чалавека.

Адпаведны ліст накіраваны ў адрас камітэта прэміі ім. Людовіка Трар’е. Гэта самая прэстыжная прэмія ў галіне правоў чалавека. Яе атрымлівалі Нэльсан Мандэла, Карына Маскаленка і іншыя вядомыя праваабаронцы, паведамляе АФН.

«Праца адваката ў Беларусі суправаджаецца пагрозай пазбаўлення ліцэнзіі. Але Максім, разумеючы гэта, далучыўся да штаба Віктара Бабарыкі. Ён стаў першым адвакатам, які па даверанасці падаў у ЦВК заяву аб рэгістрацыі кандыдатам у прэзідэнты зняволенага пад варту Віктара. Пасля выбараў Максім увайшоў у прэзідыум КС і падаў скаргу ў Вярхоўны Суд, прыклаўшы 25 тэчак з доказамі фальсіфікацый вынікаў. Гэта не толькі выключны крок па адстойванні правоў і свабод грамадзян, але і асабістую мужнасць Максіма — ён ведаў, што за гэта ў любы момант яго могуць арыштаваць», - каментуе рашэнне Святлана Ціханоўская.

«Вось чаму мы намінуем Максіма на прэмію Трар’е. Я ўпэўненая, што Максім Знак-менавіта той чалавек, які заслужыў прызнанне за свой прафесіяналізм. І, як і сотні людзей, якія апынуліся ў турме за сваю смеласць, ён павінен быць вызвалены без якіх-небудзь умоў», — падкрэсліла яна.

З 9 верасня 2020 года Максім Знак знаходзіцца ў СІЗА КДБ.