Начальніка міліцыі Марыупаля прааперавалі, ён у цяжкім стане

Начальнік Марыупальскай гарадской міліцыі Валерый Андрашчук, напярэдадні вызвалены з палону, праапераваны вечарам 12 мая. Пра гэта паведаміў міністр унутраных спраў Арсен Авакаў, перадае "5 канал".



Начальнік Марыупальскай гарадской міліцыі Валерый Андрашчук

"Прайшла сёння аперацыя, стан цяжкі, але мы спадзяемся... Дай Бог, ён пойдзе на папраўку", — паведаміў Авакаў
 

Міністр абверг інфармацыю аб тым, што за вызваленьне Андрашчука быў выплачаны выкуп у 200 тысяч долараў, адзначыўшы пры гэтым, што мела месца пасярэдніцтва "некаторых аўтарытэтных людзей".
 

"Я ўчора ўвесь дзень назіраў заявы асобных палітыкаў і іншых людзей пра тое, што яны ўдзельнічаюць, што яны чымсьці займаюцца і г.д. Давайце не спекуляваць на гэтую тэму: ўкраінская дзяржава ніякіх прамых або ўскосных перамоваў з тэрарыстамі не вядзе, ніякіх абменаў не адбываецца", — запэўніў Авакаў.
 

"Мы яго (Валерыя Андрашчука) вызвалілі. Як — пра гэта мы скажам крыху пазней. Ні пра якія грошы і вульгарны абмен гаворка не ідзе. Пра пасярэдніцтва некаторых людзей дастаткова аўтарытэтных — ідзе. І я ім за гэта ўдзячны", — дадаў ён.
 

Як паведамлялася, начальнік міліцыі Марыупаля Валерый Андрашчук быў выкрадзены 9 мая ў ходзе сутыкненняў у горадзе. 12 мая Андрашчука вызвалілі — ён вельмі моцна паранены, але жывы.