Нарвегія пачала падаваць газ ва Украіну

Украіна пачала атрымліваць газ ад нарвежскай кампаніі Statoil і разглядае розныя варыянты вырашэння газавага канфлікту з Расіяй да спрэчкі з "Газпромам" у Стакгольмскім арбітражы, заявіў прэм'ер-міністр Арсень Яцанюк падчас пасяджэння ўрада. 



Украінскі прэм'ер паведаміў, што Кіеў хацеў бы атрымаць дадатковыя сродкі ад МВФ і Сусветнага банка, а таксама змяніць ўмовы супрацоўніцтва з міжнароднымі фінансавымі інстытутамі.
У самім "Нафтагазе" пагадненне з адным з найбуйнейшых сусветных энергетычных аператараў Statoil назвалі рэвалюцыйным. Нарвежскі газ паступае на Украіну праз Славакію па гэтак званым рэверсным маршруце. 
Ва ўрадзе адзначылі, што цяпер ва украінскіх газавых сховішчах знаходзіцца 16,7 млрд кубічных метраў газу. Па словах Арсенія Яцанюка, для зімовага перыяду неабходна набыць яшчэ каля пяці млрд кубаметраў. 
Паводле рускай службы Бі-Бі-Сі