Насельніцтва Зямлі 15 лістапада дасягнула 8 мільярдаў

Колькасць людзей на Зямлі працягвае павялічвацца. 15 лістапада сукупнае насельніцтва планеты дасягнула 8 мільярдаў чалавек. Адзначым, што самымі населенымі краінамі з'яўляюцца Кітай і Індыя — там сумарна пражывае каля трох мільярдаў людзей.

to_pa_ju_ej_oczen_bo_szih_i_jarkih_71590109.jpg

«Лічба ў 8 мільярдаў — адначасова нагода для святкавання і гучны заклік да чалавецтва знайсці рашэнні праблем, якія стаяць перад намі. Перавярніце лічбу 8 і вы атрымаеце сімвал бясконцасці. Складаючы восем мільярдаў, мы можам фарміраваць нашу агульную будучыню», — гаворыцца ў заяве Фонду народанасельніцтва ААН.

Чакаецца, што наступны мільярд дадасца прыкладна праз 14,5 гадоў, да 2037 года.

Згодна з прагнозамі, насельніцтва свету дасягне піка ў 10,4 мільярдаў чалавек у 2080-х гадах і застанецца на гэтым узроўні да 2100 года.