Навіны дня. Выключэнне з Балонскага працэсу, бязвіз для ЕС і няспынныя затрыманні

У традыцыйным вячэрнім аглядзе расказваем пра галоўнае, што адбылося ў Беларусі сёння, 13 красавіка.


«Беспакараныя ўлады на ўсіх узроўнях» — так апісана становішча ў Беларусі ў амерыканскай справаздачы па правах чалавека. Што яшчэ цікавага сказалі пра беларускую дзяржаву і краіну ў ЗША, чытайце тут.

Тым часам АБСЕ падрыхтавала даклад па ўварванні Расіі ва Украіну. У ім нібыта адзначаецца, што Беларусь не з'яўляецца ўдзельніцай «узброенага канфлікту».

Беларусь можа дазволіць бязвізавы ўезд нашым суседзям з ЕС. Добрасуседскія адносіны сабраўся ўмацоўваць Дзяржпамежкамітэт.

Балонскі працэс развітаўся з Беларуссю. Наша краіна была адзінай, каго прынялі туды "завочна" — з перспектывай выпраўлення наяўных праблем у сістэме адукацыі. Як бачна, праблемы настолькі не выправілі, што наша прысутнасць у Балонскім працэсе цяпер непажаданая.

Загінулы беларускі добраахвотнік Аляксей Скобля пасмяротна ўганараваны званнем Героя Украіны. Цяпер у шэрагу ўкраінскіх Герояў двое беларусаў: першым стаў Міхаіл Жызнеўскі. Таксама сёння стала вядома пра смерць яшчэ аднаго беларускага добраахвотніка — Змітра «Ганса» Рубашэўскага. Між тым ГУБАЗіК у сюжэце АНТ заявіў, што ведае імёны 75 беларусаў, якія ваююць зараз за Украіну.

Весткі з палёў рэпрэсій. Палітзняволены Аляксандр Фядута за кратамі захварэў на пнеўманію, а іншага палітвязня, Яўгена Афнагеля, пераводзяць на два гады ў «крытую» турму, а Марыі Калеснікавай, якая таксама прызнаная палітзняволенай, скасавалі права на кароткатэрміновае спатканне.

Сёння затрымалі актывістку Святлану Каваленка, не выпусцілі на волю кіраўніцу незалежнага прафсаюза «Нафтана» Вольгу Брыцікаву, на 2 гады калоніі за пратэставыя маршы асудзілі Святлану і Яну Хромавых. 25 сутак зняволення атрымаў гітарыст «Pomidor/off» Уладзіслаў Плюшчаў.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: