Папаха і расійскі трыкалор. У мінскім аўтобусе заўважылі незвычайных «ветэранаў»

Сталыя людзі ехалі святкаваць. Іх незвычайны выгляд прыцягнуў увагу мінчукоў.

Незвычайных «ветэранаў», якія ехалі на святкаванне Дня Незалежнасці, заўважылі ў мінскім аўтобусе. «У абодвух грудзі ў ордэнах. Не якіх-небудзь. Заўважыў у кожнага па ордэне Леніна, напрыклад, — піша святар Аляксандр Шрамко, які бачыў «ветэранаў» на ўласныя вочы. — У «казака» нашыўка «Расія» з трыкалорам. Акрамя таго, вязуць сцягі, адзін з іх таксама трыкалор. Казак з трыкалорам у Вялікую айчынную вайну, гэта як вам? А вы кажаце Бандэра».

Пад трыкалорам, які сёння выкарыстоўваецца як дзяржаўны сцяг Расіі, у годы ВАВ ваявалі з Чырвонай арміяй часці Рускай вызваленчай арміі генерала Уласава. У ёй былі і казацкія фарміраванні, нагадвае «Еўрарадыё».

У беларускіх мерапрыемствах, прысвечаных перамозе ў Вялікай Айчыннай вайне, часта прымаюць удзел людзі з сцягамі ў колерах Георгіеўскай стужкі. Здараецца, што прыходзяць і людзі пад сучаснымі расійскімі трыкалорамі.