Праваслаўныя святкуюць Дабравешчанне

7 красавіка вернікі Праваслаўнай царквы, што карыстаюцца юліянскім календаром, адзначаюць адно з 12-ці вялікіх святаў — Дабравешчанне (Звеставанне) Багародзіцы.



«Дабравешчанне», мазаікі на двух слупах Кіеўскай Сафіі, каля 1040 года.


Дабравешчанне азначае «добрая» вестка. У гэты дзень Дзеве Марыі з’явіўся архангел Гаўрыіл і абвясціў Ёй пра будучае нараджэнні Ісуса Хрыста — Сына Божага і Збавіцеля свету.

Пра гісторыю і тэалогію гэтага свята распавядае айцец Кастусь Бандарук:

— Яно святкавалася ўжо ў апостальскія часы і называлася Пачаткам адкуплення або Дабравешчаннем аб Хрысце. Сама падзея дакладна апісаная ў Евангеллі. Марыя ўспрыняла словы арханёла з вялікай пакорай: “Я — служанка Гасподняя. Хай станецца паводле слова твайго”.

У святочных багаслужбах падкрэсліваецца пакора Божай Маці і тайна ўцялесяння Сына Божага, недаступная чалавечаму розуму. Гаворыцца, што дзякуючы нараджэнню Божага Сына, зноў адноўлена лучнасць чалавека з Богам.

Беларускае Радыё Рацыя

 

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: