У Мінску адбылася жаночая акцыя пратэсту, адну ўдзельніцу затрымалі (фота)

Жаночая акцыя пратэсту адбылася сёння, 14 студзеня, у Мінску на Камароўцы. Жанчыны выйшлі на шпацыр з бел-чырвона-белымі парасонамі.

У Мінску каля Камароўскага рынку жанчыны з бел-чырвона-белымі парасонамі ў вопратцы нацыянальных колераў выйшлі на шпацыр, паведамляе «Свабода».

Акцыя доўжылася некалькі хвілін. Сілавікі пад'ехалі да жанчын на легкавой машыне, адну ўзельніцу затрымалі.

Праз дзве хвіліны падʼехалі сілавікі на мікраўтобусах. Удзельніцы паспелі адыйсці далей, да «Дому мэблі». Больш пра затрыманні пакуль невядома.