Віктара Фенчука асудзілі за пратэсты 2020 года

Экс-кіраўніку «Аховы птушак Бацькаўшчыны» Віктару Фенчуку сёння, 12 траўня, прысудзілі 2,5 года калоніі за ўдзел у праэтставых маршах 2020 года.

Палітзняволенага Віктара Фенчука абвінавачвалі па ч. 1 арт. 342 КК (актыўны ўдзел у дзеяннях, якія груба парушаюць грамадскі парадак).

Справу ў судзе Маскоўскага раёна разглядала суддзя Алена Мурашка.

Віктара Фенчука затрымалі 1 верасня мінулага года.

Падставай для абвінавачання сталі некалькі фота з пратэсных маршаў. Згодна з матэрыяламі справы, «Фянчук блакаваў рух транспарту на праезнай частцы і выкрыкваў розныя лозунгі».

Падчас расследавання выяўлена яшчэ пяць аналагічных эпізодаў, здзейсненых ім». Паводле слоў дзяржабвінаваўцы, «такія паводзіны чалавека, які прадстаўляе Беларусь на міжнароднай арэне, проста не дапушчальныя».

 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: