Бабарыка ў 2020-м: «Я вельмі баюся, што гэта апошні шанец хоць якіх-небудзь выбараў у незалежнай Беларусі»
Роўна два гады таму, 12 красавіка 2020 года, Віктар Бабарыка абвясціў, што будзе вылучаць сваю кандыдатуру на прэзідэнцкіх выбарах
Роўна два гады таму Віктар Бабарыка паведаміў пра гэта на сваёй старонцы ў фэйсбуку: «Я буду вылучаць сваю кандыдатуру на выбарах 9 жніўня, — напісаў ён. — Я не наіўны чалавек і выдатна разумею тыя межавыя ўмовы і правілы гульні, якія сфарміраваныя на гэтым полі ў Беларусі, а самае галоўнае — фінальную частку гэтага «дзейства», якая была сфармуляваная яшчэ ў эпоху Сталіна: усё роўна, як галасуюць, важна, як лічым.
Аднак, ведаючы ўсё гэта, я веру ў абмежаванасць любой неэфектыўнай сістэмы, у магчымасці, якія прадастаўляюць новыя прылады на базе сучасных тэхналогій, а самае галоўнае, я вельмі баюся, што гэта апошні шанец хоць якіх-небудзь выбараў у незалежнай Беларусі. І я палічыў для сябе недапушчальным і сорамным шкадаваць пра тое, што не паспрабаваў нешта змяніць, апраўдваючы сябе тым, што змяніць нельга нічога».
Нагадаем, у траўні 2020-га ў Беларусі пачалася палітычная кампанія да прэзідэнцкіх выбараў. Аб намеры балатавацца на галоўную дзяржаўную пасаду заяўлялі многія, але зарэгістравалі свае ініцыятыўныя групы толькі 15 ахвотнікаў.
