У Мінску сёння пачнуць судзіць актывістку руху «Маці-328»

Актывістку руху "Маці-328" Марыну Кісялевіч распачнуць судзіць сёння, 12 траўня, у Мінску.

Сёння ў судзе Кастрычніцкага раёна Мінска ў 14:30 распачынаецца суд над палітзняволенай актывісткай руху "Маці-328" Марынай Кісялевіч. Яе абвінавачваюць па двух дыфамацыйных артыкулах Крымінальнага кодэкса: ч. 2 арт. 368 (абраза Лукашэнкі) і ч. 2 арт. 367 (паклёп на Лукашэнку). Справу разглядае суддзя Аляксандр Рудэнка.
Марыну затрымалі 7 лютага гэтага года і доўгі час утрымлівалі ў РНПЦ псіхічнага здароўя ў Навінках. Затым да суда яе перавялі ў СІЗА.
Палітзняволенай пагражае па гэтых артыкулах да шасці гадоў зняволення.