Рада БХД сёння прыняла заяву "Свабоду палітвязням!"
Нацыянальная Рада аргкамітэта па стварэнні партыі "Беларуская хрысціянская дэмакратыя” на сваім пасяджэнні 21 сакавіка прыняла заяву "Свабоду палітвязням!”
"Беларускія хрысціянскія дэмакраты пачынаюць кампанію па вызваленні палітвязняў. Мы лічым адной з першачарговых задач на 2015 год — дамагчыся вызвалення ўсіх беларускіх палітвязняў.
Мы заяўляем, што без вызвалення і поўнага аднаўлення ў правах усіх палітычных вязняў ніякія выбары ў Беларусі не могуць лічыцца свабоднымі і справядлівымі.
Дзеля спрыяння хутчэйшаму вызваленню з-за кратаў, у выпадку не магчымасці абрання адзінага кандыдата дэмакратычнымі сіламі Беларусі, мы падтрымліваем кампанію па вылучэнні кандыдатам ў прэзідэнты Рэспублікі Беларусь Статкевіча Мікалая Віктаравіча з адначасным патрабаваннем вызвалення палітвязняў: Яўгена Васьковіча, Ігара Аліневіча, Мікалая Дзядка, Арцёма Пракапенкі і Юрыя Рубцова. Усе палітвязні павінны быць вызвалены!
У выпадку, калі палітвязні застануцца за кратамі і не будуць адноўленыя ў правах, мы лічым немагчымым прызнанне любых выбараў свабоднымі і справядлівымі, а "абраную” на іх уладу лічым нелегітымнай", — гаворыцца ў заяве.