25 гадоў таму краіна прачнулася з «Народным альбомам»
28 снежня 1997 года ў мінскім ТЮГу адбылася прэм’ера супольнага музычнага праекта, які стаўся падзеяй у гісторыі беларускай незалежнай музыкі.
«Народнаму альбому» — 25 гадоў, нагадвае «BY_c*lture».
«Праект, які моцна на мяне паўплываў і дапамог адкрыць іншую Беларусь. Таямнічую, чароўную, прыцягальную, сапраўдную, шматвымерную і неспасцігальную», — адзначае Сяргей Будкін.
«Народны альбом» — наш «Сяржант Пэпер»: калажны рэсурс пашырэння свядомасці, канцэптуальны праект па рэанімацыі нацыянальнай годнасці праз поп-стылі і рок-кадры. Гэта лінія нашых сэрцаў, лапікавая коўдра з нот і слоў, запрашэнне да любові, дасланае з мінуўшчыны. Якое, цалкам магчыма, прыдумалі паэты і гітарысты. Але зрабілі гэта найлепшым чынам», — піша пра праект культуролаг Максім Жбанкоў.
