Анонс: вечарына ад «Скарыны» ў Варшаве
Выдавецтва «Скарына» запрашае 18 лютага на вечарыну ўсіх, хто любіць літаратуру і беларускую мову.
У вечарыне возьмуць удзел заснавальнік выдавецтва, галоўны рэдактар Ігар Іваноў і Уладзіслаў Гарбацкі, пісьменнік, сацыялінгвіст, аўтар прац пра фемінітывы ў беларускай мове, перакладчык нобелеўскай лаўрэаткі Ані Эрно і яшчэ некалькіх аўтараў/ак і паэтаў/ак. Апроч гэтага Уладзіслаў — сталы аўтар «Новага Часу». Пачытаць яго артыкулы можна тут.
Удзельнікі вечарыны паразважаюць, ці трэба беларускай дыяспары свае выдавецтвы і якая будучыня іх чакае, а таксама даведаюцца пра кніжныя навінкі.
Сустрэча адбудзецца 18 лютага, а 16:00 у прасторы РБС (ul. Hoża 41/2, Warszawa).
На вечарыне можна будзе набыць кнігі выдавецтва «Скарына» і раман «Падзея» Ані Эрно.
