У Мінску пройдзе «Спеўны Сход», прысвечаны «Народнаму альбому»

7 лютага ў кафэ ГРАЙ пройдзе «Спеўны Сход», прысвечаны «Народнаму альбому». 

У Мінску ў лютым запланаваны шэраг імпрэзаў, прысвечаных «Народнаму альбому» і часу, пра які спяваецца ў легендарным праекце.
«Арт Сядзіба» і «Спеўны Сход» правядуць вандроўку ў часы існавання Заходняй Беларусі, Спеўны Сход, і шмат чаго яшчэ.
«Народны альбом» — гэта праект, задуманы ў 1996 годзе паэтам Міхалам Анемпадыставым. Ён напісаў вершы, а Лявон Вольскі – музыку. Альбом зроблены ў фармаце мюзікла – гэта гісторыя невялікага горада ў Заходняй Беларусі ў 30-я гады. Яго запісалі на студыі радыё 101,2 FM у 1997 годзе знакамітыя музыкі Зміцер Вайцюшкевіч, Кася Камоцкая, Вераніка Круглова і Аляксандр Памідораў.
«Народны альбом» – гэта першы «беларускі мюзікл», напоўнены іроніяй і жартамі, гэта з’ява, якая пацягнула за сабой вялікія змены ў беларускай музычнай прасторы.
Арганізатары паведамляюць, што ўсе івэнты будуць прысвечаныя памяці Міхала Анемпадыстава.
Уваход вольны.
Паводле прэс-рэліза