Паводле яго слоў, напрацоўкі гэтага дакумента пачаліся з дня, калі Кіеў наведалі канцлер Нямеччыны Ангела Меркель і прэзідэнт Францыі Франсуа Аланд. Пазней расійскі бок ўнёс свае прапановы да
яго.
«Перамовы ідуць цяжка, але ёсць надзея што бакі прыйдуць да кансенсусу», — сказаў Перабійніс.
Амбасадар Украіны ў Беларусі Міхаіл Ежэль паведаміў, што па выніках перамоў па ўрэгуляванні крызісу ва Украіне ў Мінску плануецца падпісанне нейкага выніковага дакумента.
«Па выніках усіх перамоў сёння бакі маюць намер падпісаць нейкі выніковы дакумент. Праца кантактнай групы працягваецца. Бакі ў «нармандскім фармаце» таксама
вядуць перамовы», — паведаміў ён.
Нагадаем, учора ў Мінску стартавалі перамовы ў «нармандскім фармаце». Акрамя таго, у Мінску аднавіла працу трохбаковая кантактная група па Украіне.
