Сімвалы цяперашняй Расіі — кавадла і швабра

Якую місію нясе Расія, калі яе сімвалы — кавадла і швабра? Адвакат і вядомы блогер разважае пра тое, хто і чаму дазваляе сабе даслаць у Еўрапарламент «скрываўленую» кавалду ў адказ на навіну наконт магчымага прызнання ПВК «Вагнера» тэрарыстычнай арганізацыяй.
Фота  rangefinder.ru

Фота  rangefinder.ru

— Прынята было лічыць, што Яўгена Прыгожына не было ў Санкт-Пецярбургу ў 1990-я, калі Пуцін там працаваў, — распавядае Марк Фейгін у інтэрв'ю каналу «И Грянул Грэм». — І што яго ў блізкім асяроддзі кааператыва «Возера» таксама не было. А ў мяне ёсць інфармацыя, што Пуцін з ім быў знаёмы ўжо тады і, наколькі я разумею, у іх была даўняя сувязь, у тым ліку і з блізкім колам з крыміналітэту.

Фейгін упэўнены, што Яўген Прыгожын на гэты момант патрэбны кіраўніку Расіі толькі для таго, каб палохаць Захад.

— Яго вылучылі як жупел, бо яго не шкада, і, калі што, можна пусціць у расход — крымінальнік, — тлумачыць адвакат.

Фейгін кажа, што нармальны апарат улады, нават сілавы, мог бы сказаць Прыгожыну нешта кшталту: «Што ты робіш, і якую ты нам рэпутацыю лепіш? Зараз адправішся туды, адкуль не так даўно выйшаў, і будзеш даседжваць».

— Таму што рэпутацыя краіны не можа быць такой. На чале дзяржавы, блізкімі да кіраўніцтва краіны не могуць быць людзі з такой біяграфіяй — і не істотна, ці прыносяць яны стравы на абед ці накіроўваюць праз ПВК вайскоўцаў. Гэта проста забаронена… І мне наогул цікава: якую місію і які праект нясе сабой Расія, калі яе сімвалы — кавадла і швабра?

Марк Фейгін таксама здзіўляецца таму, што расійскае кіраўніцтва спрабуе рабіць выгляд, што ПВК “Вагнера” існуе асобна ад яго і дыстанцуецца ад Прыгожына.

— Навошта вы робіце з яго нейкага старонняга? У гэтай краіне на адной назе не пастаіш, каб паліцыянт не падышоў, а ў яго цэлая прыватная вайсковая кампанія на 37 тысяч чалавек.

Натуральна, гэта такая дэкларатыўная пазіцыя Расіі. І паўтаруся, Пуцін гэта выкарыстоўвае для таго, каб палохаць Захад — маўляў, глядзіце, якія могуць прыйсці, калі не я.

З іншага боку, Фейгін кажа пра тое, што ўзвышэнне Прыгожына даволі лагічнае, улічваючы тое, што Уладзімір Пуцін перастаў давяраць войску РФ пасля яе няздольнасці ваяваць супраць Украіны.

Армія гэтую вайну прайграла. Пуцін кажа, што ваенныя дрэнна ваявалі. Маўляў, ужо дзевяць месяцаў прайшло, а я вам два-тры дні даваў. Дык цяпер я і на Прыгожыных і Кадыравых буду разлічваць, а будзеце рыпацца, я вас адпраўлю пад кувалду.

— Праект Расіі — кавадла, — канстатуе Фейгін. — Думаю, Пуцін свядома ідзе на тое, каб прыўздымаць такіх тыпаў. Ужо некаторыя губернатары пачалі казаць: «Мы там з Прыгожыным нешта...». Яны ім пагарджаюць, але будуць мець зносіны, таму што каманда такая прыйшла.

Таму ўсё, што адбываецца з Прыгожыным, было санкцыянавана зверху. Яму сказалі ні ў чым сябе не абмяжоўваць, вось ён так і робіць — безмяжак.

Паводле gazetaby.com.

Пераклад НЧ

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: