Прадстаўнікі ДНР і ЛНР у Мінску паспрабавалі падвергнуць рэвізіі папярэднія дамоўленасці

Працяг мінскіх кансультацый мае сэнс толькі ў выпадку, калі гаворка ідзе пра развіццё папярэдніх дамоўленасцей, а не іх рэвізіі, і толькі з падпісантамі мемарандума.



Аб гэтым паведаміў агенцтву «Інтэрфакс-Украіна» ў чацвер раніцай украінская крыніца, блізкая да перамоўнага працэсу.
«Калі весці далей кансультацыі мінскай групы, дык толькі з падпісантамі мінскіх мемарандума і пратаколу і толькі ў развіццё дамоўленасцей, не падвяргаючы іх рэвізіі, што паспрабавалі ўчора зрабіць прадстаўнікі так званых ДНР і ЛНР», - сказаў суразмоўца агенцтва.
Паводле яго слоў, у кансультацыях з боку самаабвешчаных рэспублік прынялі ўдзел «абсалютна некампетэнтныя людзі, якія не прымаюць рашэнні і да таго ж не ў курсе дасягнутых раней дамоўленасцей».
Верагоднасць правядзення чарговай сустрэчы ў пятніцу суразмоўца агенцтва ацаніў у 50%.
interfax.by