Брытанскі палітык паскардзіўся Маску на тое, што Twitter пазначыў яго прарасійскасць. Адказ Маска бясцэнны

Амерыканскі мільярдэр і вынаходнік Ілан Маск патроліў брытанскага палітыка Джорджа Гэлоўэя, вядомага прарасійскімі поглядамі. Публічны дыялог палітыка і бізнесоўца адбыўся ў Twitter.

Былы член парламента Вялікабрытаніі абурыўся, што Twitter прысвоіў яго акаўнту пазнаку «расійскія дзяржаўныя СМІ». Ён назваў гэтую адзнаку ілжывай, і гэта нібыта «пацверджана Маскам», якога ён твітнуў.

Рэакцыя Маска, які раней заявіў аб куплі Twitter, не замарудзіла. Ён іранічна на рускай мове папрасіў прабачэння за гэта: «Прости, товарищ».

Нагадаем, што Джордж Гэлоўэй — былы чалец брытанскага парламента і прыхільнік палітыкі рэжыму Пуціна. Яго прарасійскія заявы часта тыражуюць прапагандысцкія СМІ.

З апошняга, Гэлоўэй «прадказаў» «самагубства НАТА» з-за пазіцыі ЗША па вайне Украіне. «Я не вельмі веру, што ЗША атрымаюць у выніку выгаду з канфлікту. Лічу, што ўсе ўчынкі Белага дома вельмі выразна малююць карціну імперыі, якая знаходзіцца за крок ад хуткага заняпаду», — заявіў брытанец.

Паводле unian.net.