Часопіс "Ісламскай дзяржавы" прадаецца на Amazon

Прапагандысцкі часопіс джыхадзістаў з "Ісламскай дзяржавы" пад назвай "Дабік" (Dabiq) з'явіўся ў продажы ў інтэрнэт-краме Amazon.



У якасці выдаўца паказаны Hayat Media Centre, гэты цэнтр адказвае за прапаганду джыхадзістаў на Захадзе і рэгулярна публікуе відэа-матэрыялы і зводкі навін, паведамляе www.bbc.co.uk.

Інтэрнэт-крама Amazon прапануе пакупнікам чатыры нумары часопіса. Іх можна замовіць на сайтах крамы ў Брытаніі, ЗША, Францыі, Італіі і Іспаніі.

У апісанні часопіса на сайце Amazon гаворыцца, што "Дабік" — перыядычнае выданне, што асвятляе пытанні монатэізму, пошуку праўды і джыхаду.

Часопіс "Дабік" атрымаў такую назву ў гонар сірыйскага пасёлка Дабік, дзе, па мусульманскім падання, адбудзецца вялікая бітва прыхільнікаў ісламу з няверуючымі.

Пасля гэтай бітвы, як вераць мусульмане, надыдзе канец старога свету, а для прававерных наступіць мір і росквіт.

У паселішчы Дабік — усяго 3000 жыхароў, яно размешчана на мяжы з Турцыяй, на поўнач ад горада Алепа.