Ці здарыцца арышт Трампа?

Былы прэзідэнт ЗША Дональд Трамп сцвярджае, што 21 сакавіка будзе арыштаваны ў рамках расследавання справы аб фінансавых махінацыях. Адпаведная заява з'явілася ў сацыяльнай сетцы Трампа Truth Social.

Былы прэзідэнт ЗША Дональд Трамп сцвярджае, што 21 сакавіка будзе арыштаваны ў рамках расследавання справы аб фінансавых махінацыях. Адпаведная заява з'явілася ў сацыяльнай сетцы Трампа Truth Social.

Трамп сёння, 18 сакавіка, заявіў, што чакае затрымання і ў сувязі з гэтым заклікаў сваіх прыхільнікаў выйсці на пратэсты.

Трамп заявіў, што атрымаў інфармацыю пра арышт дзякуючы «нелегальным уцечкам» з офіса акруговага пракурора Манхэтэна. Ён не прывёў ніякіх дэталяў адносна магчымых абвінавачанняў, а толькі заклікаў сваіх прыхільнікаў да пратэстаў. Экс-прэзідэнт раскрытыкаваў «карумпаваную і вельмі палітызаваную» акруговую пракуратуру Манхэтэна.

Афіцыйных каментароў пракуратура Манхэтэна не давала.

Адметна, што на магчымы арышт Дональда Трампа паспелі адрэагаваць Дзмітрый Мядзведзеў і Ілан Маск. Прычым словы амерыканскага прадпрымальніка былі шырока цытаваныя ў расійскіх СМІ. Маск заявіў, што затрыманне былога прэзідэнта Дональда Трампа забяспечыць яму перавыбранне на прэзідэнцкіх выбарах 2024 года.

Мядзведзеў жа наогул звярнуўся да амерыканцаў: «Адпраўце на смярдзючую звалку гісторыі карумпаваную кліку вар'ятаў — бацьку і сына Байдэнаў!».



Палітолаг і вядомы ўкраінскі блогер Алег Панамар раней распавядаў пра справу Трампа наступнае: 

Былога прэзідэнта ЗША Дональда Трампа падазраюць у парушэнні правілаў фінансавання перадвыбарнай кампаніі. Па версіі следства, былы адвакат Трампа Майкл Коэн заплаціў 130 тысяч долараў порназорцы Стормі Дэніэлс, якая збіралася публічна расказаць пра раман з палітыкам, які нібыта меў месца. Гэтыя выдаткі потым былі незаконна кампенсаваныя з перадвыбарчага фонду Трампа. Сам Коэн яшчэ ў снежні 2018 года атрымаў за гэта тры гады турмы.

Напярэдадні многія амерыканскія СМІ пісалі, што на працягу бліжэйшага тыдня Трампу могуць прад'явіць афіцыйныя абвінавачанні. Чакалася, што пасля фармальнага арышту былога прэзідэнта даставяць да суддзі, пасля чаго ён будзе адпушчаны пад заклад. У сувязі з гэтым, паведамляў CNN, праваахоўныя органы Нью-Ёрка на працягу тыдня адпрацоўвалі міжведамаснае ўзаемадзеянне, каб не дапусціць магчымых беспарадкаў у горадзе.

Пра Трампа, ягоныя шанцы пераабрацца і вайну ва Украіне.

Алег Панамар крыху раней адзначаў, што цяпер рэйтынг Трампа сярод рэспубліканцаў на 15 пунктаў вышэйшы, чым у губернатара Фларыды Рона Дэсанціса (астатнія – не канкурэнты наогул). Для Украіны Трамп — зло, Дысантыс — не так дрэнна, але і не добра. Аднак Дэсанціс будзе рухацца ў геапалітычным трэндзе ў дачыненні да Украіны ў выпадку яго перамогі.

Калі Трамп выйграе праймерыз (прыкладна сакавік наступнага года) і будзе кандыдатам ад Рэспубліканскай партыі, то ў яго шанц перамагчы любога дэмакрата яшчэ меншы, чым быў у 2020 годзе (хоць Расія, Кітай, СА, ААЭ, Ізраіль будуць яму дапамагаць). А ў 2020-м ён прайграў 8 мільёнаў галасоў Байдэну. Чаму? Таму што ў такой супярэчлівай (калі выкарыстоўваць нарматыўнае слова) фігуры заўсёды ёсць устойлівыя фанаты і ўстойлівыя хейтары. Ёсць рэспубліканцы, якія ніколі і ні за што за яго не прагаласуюць (антырэйтынг) і таму альбо прагаласуюць за дэмакрата, альбо застануцца дома. Калі Дэсанціс выйграе праймерыз (хоць ён яшчэ не заявіў, што будзе вылучацца), то гэта яшчэ лепш. У такім выпадку Трамп пойдзе як незалежны кандыдат, а не ад Рэспубліканскай партыі і іх галасы з Дэсанцісам распыляцца напалам, што будзе падарункам для любога дэмакрата.

Вайна ва Украіне. Каб пазбегнуць рызыкі на выпадак перамогі любога рэспубліканца, ЗША павінны дапамагчы Украіне перамагчы да выбараў і не пакідаць вайну новаму прэзідэнту. Інструменты для гэтага ёсць. Ці ведае пра гэта Байдэн? Ведае. Ці будзе ён дзейнічаць з улікам гэтых ведаў і гэтага фактару? Так, будзе. Дзякуй.

Таксама наконт пытання пра краіны, якія дапамагаюць Трампу. Так, у Трампа быў клуб сяброў, куды ўваходзілі аўтарытарныя і карумпаваныя палітыкі — Балсанару, Орбан, Эрдаган, Бэн Салман, Пуцін, Нетаньяху. Таксама Ізраіль вельмі любіць Трампа за перанос амерыканскай амбасады ў Ерусалім.

Пра Кітай, дарэчы, таксама цікава. Як вы бачыце, Байдэн настроены ў адносінах да Кітая цвёрда — і дзейнічае. Трамп жа, нягледзячы на яго рыторыку ў свой час, на справе быў лаяльны да Кітая (як і Паўночнай Карэі, так што яны таксама ў клубе). У Трампа былі кампаніі ў Кітаі, ён плаціў там падаткі, Іванка зарабляла там мільёны на сваім брэндзе і г. д. Таму ў 2024 годзе Кітай таксама будзе дапамагаць Трампу, як і вышэйпералічаныя краіны.

Паводле Медузы, сацсетак, www.ponomaroleg.com