Да сталіцы сцягваецца ваенная тэхніка

Ваенная тэхніка з'явілася на пад'ездах да сталіцы Кыргызстана Бішкека, дзе ўказам прэзідэнта Кыргызстана ўведзена надзвычайнае становішча, паведамляюць відавочцы, перадае interfax.by.

Паводле звестак відавочцаў, вечарам у пятніцу да кыргызстанскай сталіцы сталі сцягвацца калоны з бронетранспарцёраў і вайсковых грузавікоў з вайскоўцамі.
У сацсетках размешчаныя відэаролікі, на якіх відаць, як аўтамабілі з вайскоўцамі заязджаюць у горад, а бронетранспарцёры перасоўваюцца па дарогах, якія вядуць у кыргызстанскую сталіцу.
Рэжым надзвычайнага становішча быў уведзены ў Бішкеку ў пятніцу ўказам прэзідэнта Сааранбая Жээнбекава. Надзвычайнае становішча пачало дзейнічаць да сёння з 20: 00 па мясцовым часе і працягнецца да 21 кастрычніка.
Згодна з указам кіраўніка дзяржавы, для бяспекі і правапарадку ў горад будуць уведзеныя вайскоўцы і тэхніка, ўстаноўлены блок-пасты.
Па законе, парламент на працягу трох дзён павінен прыняць пастанову аб зацвярджэнні ўказа. Чакаецца, што адпаведная пастанова Кыргызскі парламент прыме 10 кастрычніка.
Былы прэм'ер і экс-дэпутат Фелікс Кулаў заявіў, што, калі Жагорку Кенеш не зможа сабрацца на пасяджэнне, указ увойдзе ў дзеянне аўтаматычна.
Пры гэтым у МУС Кыргызстана ўдакладнілі, што надзвычайнае становішча пачне дзейнічаць з 10 кастрычніка.