Форум Еўрамайданаў вызначыў, якім мае быць тэхнічны ўрад
На пазачарговым форуме Еўрамайданаў, які адбыўся ў суботу ў Кіеве, дэлегаты з 46 «майданаў » Украіны вызначылі кірункі дзейнасці пераходнага тэхнічнага ўраду (ураду народнага даверу).
— пералічыў дэлегат з Харкава Дзьмітры Піліпчук.
Удзельнікі форуму таксама вырашылі стварыць каардынацыйны цэнтар на Майдане, а пасьля завяршэння супрацьстаяння ствараць грамадзкія суды і распаўсюджваць петыцыі, як спосаб ўнясення
законапраектаў.
На форуме ўдзельнікі прынялі некалькі дакументаў з прапановай аб расфармаванні спецпадраздзялення «Беркут», стварэнне базы злачынстваў супраць пратэстоўцаў, а таксама асуджэнне
асобных заяваў расійскіх палітыкаў.
Экс-міністар унутраных справаў Юры Луцэнка, які на Форум Еўрамайданаў быў дэлегаваны ад Рады Майдану, падкрэсліў, што цяпер галоўнай задачай з'яўляецца не прыняцце рэзалюцый і
абмеркаванне дзеянняў пасля завяршэння супрацьстаяння, а неадкладнае «перацягванне» праўладных дэпутатаў на бок апазыцыі. Таксама ён заклікаў актывізаваць дзеянні Еўрамайданаў на
месцах. Менавіта гэта, паводле яго словаў, можа пераламаць сытуацыю ў парлямэнце.
Наступны — другі планавы форум Еўрамайданаў адбудзецца 9 лютага ў Адэсе.