Егіпет забараніў пракат фільма Рыдлі Скота «Зыход: цары і багі»

Егіпет забараніў фільм пра Маісея з Крысціянам Бейлам, спасылаючыся на гістарычныя недакладнасці, паведамляе Al-Arabiya.



zychod.jpg

Кадр з фільму
Міністр культуры Егіпта Габер Асфур заявіў, што фільм нашпігаваны памылкамі, у тым ліку ў ім сцвярджаецца, што Маісей і яўрэі будавалі піраміды. «Гэта цалкам супярэчыць правераным гістарычным фактам. Гэта сіянісцкі фільм», — заявіў ён.
Паводле міністра, «сіянісцкі погляд на гісторыю ўтрымлівае гістарычныя недакладнасці, таму мы (улады Егіпта) вырашылі забараніць яго».
Раней фільм быў забаронены ў Марока.
Галоўную ролю ў фільме выканаў брытанскі і амерыканскі акцёр, родам з Уэльса, Крысціян Бейл, шырока вядомы як выканаўца ролі Бэтмана ў аднайменнай культавай трылогіі.
segodnya.ua