КНДР. Усе паўночнакарэйскія сайты заблакаваныя

На сайтах прыхільнікаў ідэй Чучхэ з’явілася жудасная навіна. Пачынаючы прыкладна з 15 сакавіка ў заходніх краінах ніводны з сайтаў з даменам кр (сайты КНДР) не адчыняецца. Праблемы з
доступам на паўночнакарэйскія старонкі зафіксаваныя ў Расіі і Украіне (у Беларусі веб-рэсурсы КНДР працуюць, аднак з перабоямі).



Адсюль чучхэісты робяць глабальную выснову: «Відавочна, што мы маем справу з прымітыўнай інфармацыйнай блакадай КНДР з боку так званага «свабоднага свету». «Свабодны свет» нястомна насміхаецца з так званай «прымітыўнай паўночнакарэйскай прапаганды». «Калі гэта сапраўды толькі прапаганда, і калі яна так прымітыўная, тады адкуль у вас такі жывёльны, такі панічны страх перад ёй, спадары?», — кажуць прыхільнікі Чучхэ.

У сувязі з вышэй апісаным прагназуецца забарона на Захадзе ўсіх матэрыялаў з Паўночнай Карэі, за распаўсюд якіх, быццам, будуць нават саджаць у турму. Як выйсце прапануецца стварэнне так званых інтэрнэт-шлюзаў, праз якія можна абыходзіць інтэрнэт-блакаду і атрымліваць праўду. Не зразумела толькі адно: нашто заходнім урадам хаваць ад сваіх грамадзян навіны з КНДР? Так, за 15 сакавіка галоўнай навіной на адным з афіцыйных сайтаў КНДР быў рэпартаж пра наведванне правадыром Кім Чэн Ынам рыбнай фермы, падчас якога лідар даў мудрыя інструкцыі наконт уладкавання чырвонага кутка.

Паводле замежнай прэсы

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: