МЗС Літвы: ЕС павінен распачаць дзеянні ў дачыненні да выкраданняў і катаванняў пратэстоўцаў ва Украіне
МЗС Літвы прытрымліваецца думкі, што Еўрапейскі саюз павінен разгледзець магчымыя меры рэакцыі ў дачыненні да выкраданняў, катаванняў і бесчалавечнага абыходжання з мірнымі пратэстоўцамі ва Украіне.
Дзмітры Булатаў
Літва прыняла на лячэнне актывіста ўкраінскай апазыцыі, аднаго з лідэраў Аўтамайдану Дзмітрыя Булатава, стан якога выразна адлюстроўвае фізічныя прыкметы доўгатэрміновых катаванняў і жорсткага
абыходжання. Аналагічную заклапочанасць выказала і Вярхоўны прадстаўнік ЕС па замежных справах і палітыцы бяспекі Кэтрын Эштан у сваёй заяве, зробленай 31 студзеня па заканчэнні сустрэчы з украінскай
апазіцыяй.
Еўрапейскі саюз павінен звярнуцца да Кіева з патрабаваннем правядзення стараннага і незалежнага расследавання гэтага і іншых аналагічных выпадкаў катаванняў, і зрабіць захады для пакарання
вінаватых. Украіна з'яўляецца дзяржавай-удзельніцай Канвенцыі Арганізацыі Аб'яднаных Нацый супраць катаванняў і іншых жорсткіх, бесчалавечных ці прыніжаючых годнасць відаў абыходжання і
пакарання, аднак выказваецца трывога з нагоды праблемы з ажыццяўленнем Канвенцыі.