У Маскве ўдзельнікаў праўкраінскага пікету аблілі зялёнкай і закідалі яйкамі

У цэнтры Масквы актывісты "Нацыянальна-вызвольнага руху" напалі на ўдзельнікаў пікету супраць палітыкі Расіі ў дачыненні да Украіны, арганізаванага рухам "Салідарнасць", паведамляе www.unian.net.



Тыя, хто нападаў, аблілі пікетоўцаў зялёнкай. Пра гэта са спасылкай на журналістку Анастасію Зотаву паведамляе "Дождж".

Паводле яе слоў, нападнікі аблілі пікетоўцаў зялёнкай і павалілі на зямлю актывіста Марка Гальперына.

На відэа, якое апублікавала ў Фэйсбуку Ала Наумчава, відаць, як некалькі мужчын з сімволікай колераў георгіеўскай стужкі падыходзяць да ўдзельнікаў акцыі і пачынаюць біць іх і выдзіраць ў іх з рук плакаты.

Па словах Зотавай, тыя, хто нападаў затрыманыя.