Уцекачы абыдуцца Германіі ў 10 млрд еўра

Выдаткі федэральнага бюджэту на прыём бежанцаў у 2015 годзе вырастуць у чатыры разы ў параўнанні з папярэднім годам.



Агульныя выдаткі Германіі на бежанцаў у 2015 годзе складуць каля 10 мільярдаў еўра. Пра гэта паведамляе газета Frankfurter Allgemeine Sonntagszeitung. Меркаваная сума ў чатыры разы больш, чым годам раней, калі выдаткі на бежанцаў склалі 2,4 млрд еўра. Тады ў ФРГ прыбылі каля 200 тысяч мігрантаў, а ў бягучым годзе Германія рыхтуецца прыняць да 800 тысяч бежанцаў.

Штогадовыя выдаткі на кожнага бежанца вар'іруюцца ад 12 да 13 тысяч еўра ў залежнасці ад федэральнай зямлі. У гэтую суму ўваходзяць кошт жылля, харчаванне, кішэнныя грошы, медыцынскае абслугоўванне, а таксама адміністрацыйныя выдаткі.

Яшчэ ў ліпені ўлады Германіі разлічвалі вылучыць 5,6 млрд еўра, каб прыняць 450 тысяч бежанцаў, нагадвае выданне. Раней канцлер ФРГ Ангела Меркель (Angela Merkel) выключыла магчымасць павышэння падаткаў для фінансавання расходаў на ўтрыманне мігрантаў, якіх мае намер прыняць Германія.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: