Ва Украіне прыняты закон аб забароне ўвозу і распаўсюджання кніг з Расіі і Беларусі

Забарона не закране кніг, выдадзеных у часы СССР ці раней.

Вярхоўная Рада Украіны большасцю галасоў прыняла законапраект аб забароне ўвозу і распаўсюджання ва Украіне кніг, у аўтараў якіх было ці застаецца пасля 1991 года расійскае грамадзянства, а таксама іншай друкаванай прадукцыі з Расіі, Беларусі, а таксама з акупаваных тэрыторый.

Выключэнні прадугледжаны для кніг і выданняў, якія ўвозяцца фізічнымі асобамі ў асабістым багажы не для распаўсюджання.

Забарона таксама не закране кніг, выдадзеных у часы СССР ці раней.

Акрамя таго, як адзначае «Інтэрфакс-Украіна», закон прапануе ўзмацніць абмежаванні на выдавецкую прадукцыю антыўкраінскага зместу, спыніць распаўсюджанне такой ва Украіне — у прыватнасці, нейтралізаваць пагрозы масавага друку ва Украіне кніг расійскіх аўтараў, стварэнне ва Украіне другой зоны капірайту на пераклады на рускую мову папулярнай літаратуры, а таксама ўвоз адпаведнай літаратуры з трэціх краін.

З 1 студзеня 2023 года ўсе кнігі будуць выдавацца і распаўсюджвацца на дзяржаўнай украінскай мове, мовах карэнных народаў Украіны і афіцыйных мовах Еўрапейскага саюза.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: