NYT: большасць выкарыстанай супраць Украіны зброі з'яўляецца некіравальнай

Больш за 330 іншых боепрыпасаў, паводле меркавання выдання, выкарыстоўвалі супраць грамадзянскіх аб'ектаў або паблізу іх.
Газета The New York Times ідэнтыфікавала больш за дзве тысячы боепрыпасаў, выкарыстаных ва Украіне з пачатку вайны, і прыйшла да высновы, што большасць з іх адносіліся да некіравальных.

Усяго журналісты выдання вывучылі больш за тысячу фатаграфій з боепрыпасамі, зробленых ва Украіне, а таксама іншыя візуальныя сведчанні, прадстаўленыя ўкраінскімі чыноўнікамі і вайскоўцамі.

Газета лічыць, што 210 ідэнтыфікаваных боепрыпасаў забаронены міжнароднымі дамовамі. Амаль усе з іх адносяцца да касетных боепрыпасаў, а таксама да іх суббоепрыпасаў, якія могуць пагражаць людзям на працягу дзесяцігоддзяў пасля заканчэння вайны.

Яшчэ больш за 330 іншых боепрыпасаў, паводле меркавання выдання, выкарыстоўвалі супраць грамадзянскіх аб'ектаў або паблізу іх.

NYT адзначае, што прадстаўленыя даныя няпоўныя, паколькі ў ваенны час цяжка атрымаць усю інфармацыю.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: