Віла ў Італіі і кватэры ў Маскве: як разбагацеў расійскі прапагандыст Салаўёў (відэа)
Расійскі апазіцыйны палітык Аляксей Навальны прысвяціў чарговае расследаванне Фонду барацьбы з карупцыяй (ФБК) прапагандысту Уладзіміру Салаўёву.
Палітык адзначыў, што прапагандысты з'яўляюцца "горшымі людзьмі краіны і зрабілі больш за ўсё для ператварэння Расіі ў адсталую краіну трэцяга свету". Па словах Навальнага, Салаўёў — адзін з "самых хлуслівых і нахабных прапагандыстаў". А яго багацце, па дадзеных апазіцыянера, ацэньваецца як мінімум у мільярд рублёў (больш за $ 17 млн), піша gordonua.com
Дом Салаўёва ў Перадзелкіна. Скрыншот: Аляксей Навальный / YouTube
Па дадзеных ФБК, першы істотны аб'ект нерухомасці прадаставіла Салаўёву мэрыя Масквы, прадаўшы яму па істотна заніжанай цане кватэру ў 160 м ² у элітным доме на Доўгарукаўскай. Затым прапагандыст купіў яшчэ дзве кватэры ў тым жа доме, павялічыўшы плошчу сваёй элітнай маёмасці да 450 м².
Таксама, па інфармацыі Навальнага, Салаўёву належыць дача ў Падмаскоўі, якая, на думку апазыцыянера, з'яўляецца "самым выродлівым будынкам, які калі-небудзь здымаў ФБК". Яе плошча — 1046 м², маёнтак займае 60 сотак зямлі.
Таксама ФБК паказаў вілу Салаўёва на возеры Кома ў Італіі, якая была аформлена на амерыканскую фірму Салаўёва, аднак потым была перааформлены на яго.
Навальны адзначыў, што расійскі прапагандыст з'яўляецца рэзідэнтам Італіі.
"Пакуль уся краіна, адкрыўшы рот, глядзіць шоу Салаўёва, дзе ён у чорным мундзіры крые загніваючы Захад і аблізвае Пуціна, наш герой ціха так — бачком, бачком — аформіў рэзідэнства ў Італіі. Гэта не грамадзянства і не від на жыхарства, але юрыдычна выказанае: хлопцы, я тут жыву, у вас на Кома. тут маё пастаяннае месца жыхарства. Хлусню пра Расію аплачваюць італьянскаму рэзідэнту з кішэні расейскіх грамадзян", — падкрэсліў Навальны.