Лідскае піва можа знікнуць з Беларусі

Кампанія заявіла аб згортванні бізнесу ў Беларусі і спыненні экспарту ў Расію.

Праз напад Расіі на Украіну кампанія «Olvi PLC», часткай якой з'яўляецца «Лідскае піва», заявіла аб згортванні бізнесу ў Беларусі і спыненні экспарту ў Расію. Кіраўніцтва кампаніі заявіла, што заробак 840 работнікам піўзавода ў Лідзе пакуль будзе выплачвацца.
«Мы рэзка асуджаем напад Расіі на Украіну. Мы абавязаліся дзейнічаць адпаведна з каштоўнасцямі «Olvi», і гэта адзінае разумнае рашэнне дзеля забеспячэння этычнай работы», – так патлумачыў рашэнне кампаніі старшыня праўлення Пэнці Хакарайнен.
Новыя інвестыцыі ў «Лідскае піва» спыняюцца ад сённяшняга дня, а згортванне бізнесу ў Беларусі будзе ажыццяўляцца паступова. «Лідскае піва» – гэта пятая частка даходу ўсёй кампаніі «Olvi», якая таксама валодае піўзаводамі ў Фінляндыі, Эстоніі, Латвіі і Літве.