Нафта зноў таннее на сусветных рынках

Па стане на 10 гадзін раніцы цана барэля нафты маркі Brent склала 48 долараў 53 цэнта.



Нафтавыя каціроўкі на сусветных рынках аднавілі падзенне пасля шматдзённага аднаўлення.
Раніцай 19 студзеня барэль Brent каштаваў вышэй за 50 долараў, але доўга гэтая цана не пратрымалася. З чэрвеня 2014 года, калі цана эталоннага паўночнаморскага гатунку дасягала 115 долараў, нафта страціла амаль 60%.
Гэта негатыўна адбіваецца на эканамічным развіцці і фарміраванні бюджэту Расіі, Венесуэлы і іншых краін з сыравіннай эканомікай.
У апублікаваным 20 студзеня дакладзе World Economic Outlook МВФ у цэлым панізіў прагноз эканамічнага росту для краін, якія развіваюцца, але больш за ўсё, на думку спецыялістаў фонду, гэта тычыцца буйных экспарцёраў нафты — Расіі, Нігерыі і Саудаўскай Аравіі.
Галоўны эканаміст МВФ Аліўе Бланшар разам з тым назваў зніжэнне цэнаў нафты станоўчым фактарам для эканамічнага росту ў свеце.
svaboda.org