Улады будуць рэгуляваць цэны на туалетную паперу, мыла, зубную пасту. І не толькі

Дзяржава будзе рэгуляваць цэны на мыла, туалетную паперу, парашкі, папяровыя сурвэткі, падгузнікі, зубную пасту, а таксама дзіцячы абутак і панчошна-шкарпэткавую прадукцыю. Гэтыя меры прынялі для падтрымання цэнавай стабільнасці, паведамляе ўрад Беларусі ў сваім Тelegram-канале.

Урад Беларусі ўвёў дзяржаўнае рэгуляванне цэн на некаторыя нехарчовыя тавары, у тым ліку мыла, туалетную паперу, парашкі і дзіцячы абутак. Адпаведную пастанову падпісаў прэм'ер-міністр Раман Галоўчанка.

«Уведзена дзяржаўнае рэгуляванне цэн на асобныя нехарчовыя тавары (мыла, туалетная папера, сурвэткі папяровыя, падгузнікі, гігіенічныя пакеты, сінтэтычныя мыйныя і чысцячыя сродкі парашкападобныя, зубная паста, абутак для дзяцей, панчошна-шкарпэткавыя вырабы для дзяцей)», — гаворыцца ў паведамленні.

Таксама ўрад знізіў максімальную надбаўку на мяса, хлеб і макароны да 5% і ўнёс папраўкі ў цэнавае рэгуляванне плодаагародніннай прадукцыі.