Атрымаць польскую візу будзе прасцей

З 1 сакавіка візавыя цэнтры Пасольства Рэспублікі Польшча адкрыюцца ў чатырох гарадах Беларусі: Мінску, Брэсце, Гродне і Гомелі.    



Праз месяц дакладна такія ж цэнтры з'явяцца і ў іншых гарадах Беларусі: Лідзе, Баранавічах, Пінску і Магілёве.

Кажучы пра старт праекта, Міхал Хаброс, Часовы Павераны ў справах Пасольства Рэспублікі Польшча ў Рэспубліцы Беларусь, адзначыў: «Адкрыццё візавых цэнтраў значна аблегчыць працэс атрымання польскай візы для грамадзян Беларусі. Асабліва гэта актуальна для гарадоў, у якіх адсутнічаюць нашы дыпламатычныя прадстаўніцтвы».  Новыя візавыя цэнтры спрыяюць развіццю гандлю і турызму ў дзвюх краінах і прапаноўваюць заяўнікам новыя якасныя паслугі і рашэнні. Ва ўсіх цэнтрах адведзены спецыяльныя вокны для прыёму дакументаў заяўнікаў. Акрамя таго, заяўнікі змогуць на месцы аформіць страхоўкі, зрабіць фатаграфіі і ксеракопіі дакументаў, што зробіць увесь працэс падачы заявы больш зручным.

Візавыя цэнтры Рэспублікі Польшча будуць размешчаны па наступных адрасах:

Мінск: вул. Чыгуначная, 33, бізнес-цэнтр «СВ Плаза», 1-шы паверх

Брэст: вул. Маскоўская, 208А-1

Гародня: вул. Горкага, 89

Гомель: вул. Пушкіна, 2