Польшча. У Варшаве адчыняць музэй Выклятых жаўнераў і палітвязняў ПНР
Напярэдадні Дня памяці Выклятых жаўнераў пагадненне аб стварэнні музея было падпісанае ў сумнавядомым следчым ізалятары.
PAP/Jakub Kamiński
У Варшаве адчыняць музей жаўнераў антыкамуністычнага пасляваеннага падполля і палітвязняў ПНР. Напярэдадні Нацыянальнага дня памяці Выклятых жаўнераў, які ў Польшчы адзначаць у аўторак, пагадненне аб стварэнні музея было падпісанае ў следчым ізалятары ў сталічным раёне Макотаў.
— Мы сабраліся тут для таго, каб пачаць важную справу, якая будзе служыць умацаванню нашай памяці, ушанаванню тых, хто змагаўся за айчыну і спрыяў фарміраванню свядомасці палякаў, — сказаў старшыня кіроўнай польскай партыі “Права і Справядлівасць” Яраслаў Качыньскі. Разам з міністрам юстыцыі Зьбігневам Зёбрам і дачкой легендарнага ротмістра Пілецкага Зоф’яй Пілецкай ён прыняў удзел у падпісанні дакумента аб стварэнні новага музея.
Збігнеў Зёбра и Яраслаў Качыньскі
Паводле планаў Мінюсту, Музей павінен пачаць працу не пазней чым праз 4 гады.
1 сакавіка 1951 года ў турме ў варшаўскім раёне Макотаў, пася паказальнага працэсу, былі расстраляныя сем чальцоў кіраўніцтва падпольнай антыкамуністычнай арганізацыі “Свабода і Незалежнасць” (“Wolność i Niezawisłość).
У 2011 годзе Сейм Польшчы ўстанавіў 1 сакавіка Нацыянальным днём памяці Выклятых жаўнераў.